因為即將起程前往德國的關係，這個星期吃了三幾頓生日飯，感覺像是做女王一樣嘆^ v ^
星期五，再次在鎌記打邊爐，十幾人場面真係異常震撼，多謝各路工友鼎力支持。難得昔日工友阿業也來贈慶，之後Sa與我更力邀他小組唱K，順便充當一下我們的戀愛顧問，小兄弟翌日還要上班，咁樣陪我地顛，認真唔話得，夠朋友!
星期六，在Joven悉心安排下，去了京士頓街的Le Pain Grillé(我第一次去咋!)，與Jen & Eric一齊慶祝! Jen與我的生日只差兩天，去年九月才跟她在某一次K局相認，後來驚覺大家有很多「倒模」的興趣、經歷及思考模式，今年有幸跟她同埋佢個肥相公慶祝生日，份外興奮! 這頓飯超美味，原來每間Le Pain Grillé的拿手菜不一，這店的海鮮很讚，詳見這裡(我又偷懶了咔咔咔)。說實在的，真要萬分感謝Joven跟Wilson的心思，十分窩心。
Jen送的兔仔杯，可愛得令人愛不釋手! 還有Joven的橙味香水，好清新，是L'Occitane耶! 唔…要同爽身粉味香水爭寵了~呵呵~
另，多謝肥相公的祝福，好有心思，是雙重意義呢! 好，咁我就面也不紅的收下 <-- 唔知醜呀> o <~~
願望年年做女王!
4 comments:
祝你萬事勝意,
工作順利!
最重要青春常駐,
永遠十八歲! :)
今年能夠一齊慶祝生日，真係好特別，其實我從未試過跟同月生日的朋友慶祝生日的，當然因為我大部份好朋友都是春夏出生的。關於生日會，我都有不少童年回憶的，我幼稚園的最大不快樂，就是三年來都沒．有．生．日．會﹗因為9月是開學月，老師大概忙得很，所以10月打後才會有每月生日會。每年看着其他同學可以跟同學們一起慶祝生日，我不知有多羨慕。
另一件，就是外婆替我搞的生日會。那時我地屋企完全唔興搞生日會，長輩生日就會出外吃生日飯，細路仔就係咁咦俾封利是。但唔知點解某年外婆竟然替我搞一個生日會，係有生日蛋糕架，仲有好多嘢食，最開心係外婆叫埋她的街坊麻雀腳的孫仔孫女來我們家替我慶祝﹗於是我終於有了一次生日會了﹗但最爆嘅係，我果晚係發高燒囉，所以成晚只可以吃外婆另外弄的食物，而party上的美食和蛋糕，就全由其他小朋友幹掉。我還記得自己坐在沙發上，個頭又熱，個身又攰，望住其他小朋友玩到好似係自己嘅生日party咁，我真係眼淚心裏流呀陰公﹗
其實呢，不如下年我地去麥當當搞咯﹗聽人講話好似好開心架﹗~~
希望我和妳嘅生日願望快快實現~~
再次祝妳嘅德國之行滿載而歸，身體和精神都食飽飽﹗~
新鮮，多謝呀！我年年28都偷笑>___<~
大家咁話啦！相信你地新鮮一族都會ok青春常駐喎~呵呵~
壽星女，我好開心可以同妳一齊慶祝生日~wink~wink~
多謝祝福呀! 似乎今年9月是許多virgo人生中的一個轉捩點，就讓我們都踏上通往夢想的康莊大道吧!
我的童年回憶是沒有生日會的。因為暑假過後剛開學，無論是同學仔和老師都要warm up，尚未有閑情替我慶祝生日。也許這就是生於9月的遺憾吧!
至於妳最爆嘅生日會，令我想起我那兔兔姨甥女在第一次小學旅行前一晚發高燒，大概是太緊張了，真正是未出發、先興奮;-)
好﹗無論是身在那個城市，下年我地一齊去麥當當搞生日會﹗
Post a Comment